Shkëmbimi i territoreve midis Serbisë dhe Kosovës mund të krijonte një paqëndrueshmëri në gjithë rajonin, dhe nuk do të zgjidhte asnjë problem. Kjo është bindja e ambasadores kroate në Prishtinë Marija Kapitanoviç, e deklaruar gjatë një interviste të dhënë për gazetën Zëri.
“Nga pikëpamja e dikujt që vjen nga një vend i cili përjetoi një të kaluar të vështirë, ne nuk mendojmë që kjo është zgjidhja më e mirë e mundshme”, ka shtuar Kapitanoviç, e cila është treguar e kujdesshme edhe për tu shprehur mbi një tjetër çështje të nxehtë të politikës kosovare, lëvizja e lirë në zonën Shengen.
Mbi këtë çështje, diplomatja e vendit ballkanik nuk dha një afat të afat të mundshëm, duke u justifikuar që vendimi i përket çdo vendi anëtar.