Mid’hat Frashëri do të prehet në atdhe, vlerësime nga politikanët

frasheri 600x338

“Do të donja që varri im të jetë në një ceptë kopshtit, më të mëngjërë duke hyrë nga porta e rrugës; mbi këtë varr dua një copë gur të math dhe një qiparis. Më duket sikur do të jem ruajtësi iInstitutit të Albanologjise”.

Ky është amaneti i 4 Marsit 1929, kur Mid’hat Frashëri ishte gjallë. Edhe pse nuk u përmbush deri në fund, pasuesi i Frashëllinjve do të prehet pranë Naim dhe Sami Frashërit. Eshtrat e tij mbërritën mëngjesin esotëm nga SHBA-ja për t’u nderuar fillimisht në Akademinë e Shkencave.

Arkë morti i mbuluar me flamurin kombëtar u dërgua me pas në Kodrat e Liqenit, për t’u prehur në tokën shqiptare.

Pavarësisht nderimeve, ka nga ata që flasin për dritëhije në veprimtarinë e Mit’hat Frashërit.

“Ka një diskutim për veprimtarinë e tij politike pas viteve ’40, por unë këtë gjë nuk e shoh se e errëson atë prurje të madhe që solli Mit’hati gjatë 40 vjetëve, që nga 1990-ta”, shprehet Maks Velo.

“Çdo politikan shqiptar ka dritëhijet eveta, por Mid’hati edhe kur ka gabuar gjithmonë ka menduar se i shërbente çështjes shqiptare”, shprehet Valentina Duka, deputete e PD.

“Mid’hat Frashëri ka ardhur në Shqipëri merënien e Komunizmit, sigurisht që po të ishte bërë më herët do të kishte qenë edhe më mirë”, thotë Aldo Bumçi, deputet i PD.

Vlerësimi për figurën e Mid’hat Frashërit dhanë edhe Rama, Basha e Berisha. “Mid’hat Frashëri, hije plot dije. Nuk inegocioi kurrë bindjet e tij. Mjaft më me përdorimin e atyre që nuk janë më, duke iu vënë në gojë ato që nuk i kanë thënë kurrë. U preftë në paqe në dheun eShqipërisë Mid’hat Beu dhe koha pastroftë figurën e tij nga balta e hedhur”, u shpreh Kryeministri Rama.

Sali Berisha: “Pavarësisht se Shqipëria nuk ka qenë e drejtë, përsëri ai sot vjen dhe pushon në gjirin e dheut të tij për tëcilin sakrifikoi gjithçka”. Lulzim Basha: “Eshtrat e çdo patrioti që padrejtësiae diktaturës gjakatare të Enver Hoxhës i ka lënë të dergjen jashtë kufijve të mëmëdheutpër të cilin lanë gjithçka duhet të kthehen dhe të nderohen në Shqipëri”.