Derbi më i zjarrtë i globit, sot akti i dytë i finales River-Boca

Luhet sot finalja e madhe e Kupës Libertadore. Dy prej rivalëve më të mëdhenj të botës së futbollit, Boca Juniors dhe River Plate përplasen sot ne stadiumin “Monumental”.

Nëse barazimi në aktin e parë la gjithçka të hapur, pasi goli në fushën kundërshtare nuk vlen, sot do mësohet emri i kampionit të ri teksa ndeshja mund të përfundojë në shtesë apo 11-metërsha.

Tifozët miq nuk mund të udhëtojnë për të ndjekur skuadrën e tyre ndaj “ElMonumental” do të jetë një ferr i vërtet për Bocan sot.

Pikërisht këta të fundit kërkuan të kishin avantazhin e të paktën një goli pas finales së parë, mungesa e të cilit mund t’i penalizojë në takimin e kthimit.

Ndërkohë, River Plate do të duhet të bëjë sërish pa numrin 1 të pankinës, trajnerin Marselo Galardo, i cili është i pezulluar për të dyja finalet.

Në takimin e parë ai nuk mund të ishte as në stadium, por sot do të jetë prezent në tribunë i kushtëzuar nga komunikimi apo këshillat ndaj skuadrës. Superklasiko, një ndër derbit më të zjarrtë të globit pritet të ndiqet nga një stadium që do të dalë jashtë kapaciteteve të tij.

Shkarkoni aplikacionin e A2