Ylli i basketbollit amerikan dhe Golden State Warriors, Stephen Curry, ka qënë këtë fundjavë protagonist edhe jashtë parketeve. Mëngjesin e së premtes, 30-vjecari është bërë pre e dy aksidenteve të njëpasnjëshëm në harkun kohor të pak minutave por fatmirësisht pa asnjë lëndim.
Kampioni i Warriors ka qënë duke udhëtuar me mjetin e tij tip Porche në momentin që është përplasur fillimisht me një automjet tip Lexus e më pas nga makine Honda. Curry së bashku shoferët e tjerë të përfshirë nuk kanë raportuar për aksidentin e ndodhur megjithatë disa efektivë mbërritën në vendngjarje dhe nuk ngurruan të fotografoheshin me yllin e NBA.
Sipas burimeve të CNN raportohet që nuk ka pasur arrestime për personat e përfshirë në aksident. Curry, pak minuta pas ngjarjes u shpreh mirënjohës ndaj Zotit dhe falënderoi personat të cilat u interesuan rreth gjendjes së tij. Ai ishte prezent në seancën stërvitore të së premtes por nuk do të luajë ndaj Portland për shkak të një dëmtimi në ijë.