Për herë të parë një gjigand i qiellit si Boeing 737 është modifikuar për të ndihmuar në një prej fenomeneve më shkatërruese në planet, zjarret masive.
Autoritetet australiane kanë përdorur një avion Boeing 737, që në versionin civil mbante 189 pasagjerë, i modifikuar nga kompania kanadeze Coulson Aviation për të transportuar më shumë se 15mijë litra ujë dhe substanca kundër zjarrit.
Sasia e ujit të ngarkuar nuk është një rekord në vetvete, por risia e avionit, që autoritetet e kanë pagëzuar me emrin Gaia, është një fleksibilitet shumë më i madh si dhe mundësia e transportimit deri në 63 zjarrfikës.