Në Amerikën e Veriut tashmë është kthyer në traditë: tifozët nga tribunat hedhin pellushë në pistën e akullit, pas shënimit të golit në hokej.
Qëllimi është mbledhja e lodrave për fëmijët që kanë patur më pak fat në jetë. Një iniciativë sociale e rëndësishme, por që vit pas viti ka humbur sensin e masës dhe është kthyer në një garë drejt rekordeve botërore.
Në ndeshjen ndërmjet Hershej Bers me Binghempton Devils, tifozët vendosën një primat, duke hedhur në pistën e akullit plotë 34 mijë pellushë. Një pushtim i vërtetë fushe, me akullin që praktikisht u mbulua nga lodrat.
Imazhet janë fantastike, ndërsa loja u ndërpre për disa minuta, për të bërë të mundur mbledhjen e pellushëve, të cilat do ti dhurohen disa institucioneve për fëmijët në nevojë. Rekordi i mëparshëm ishte vendosur në vitin 2015, në fushën e Kalgari Hitmen, të cilët grumbulluan rreth 30 mijë objekte.