Edhe pse ishte 8 kilogramë më i rëndë, shqiptari Ferit Keta ka arritur ta mposhtë sërish kundërshtarin e tij turk Fatih Mehmet Karakus, këtë herë në sportin e “kickboks”, në ndeshjen e zhvilluar në Mynih të Gjermanisë.
Në një ndeshje të ekuilibruar, gjyqtarët vendosën t’i japin fitoren me pikë sportistit të talentuar shqiptar.
Në muajin shtator, Ferit Keta e mposhti turkun në sportin e boksit, ndërsa këtë gjë e ka bërë mbrëmjen e së shtunës edhe në “kickboks”.
Gjatë ndeshjes, Keta ishte më i lëvizshëm dhe tentoi më shumë të ishte në sulm, në ndryshim nga kundërshtari i tij edhe pse nuk arriti ta mbyllë këtë ndeshje para kohe.
19 ndeshje dhe po kaq fitore, një rekord absolut i dibranit në sportet luftarake.