Francezët e Lyon siguruan biletën e fundit për fazën e ardhshme të Champions League, pas morën një barazim 1-1 në një ndeshje të drejtpërdrejtë në Ukrainë ndaj Shakhtar Donetsk.
Në këtë grup edhe pse me vështirësi, Manchester City mori një fitore të ngushtë 2-1 ndaj gjermanëve të Hoffenheim, duke siguruar vendin e parë në grup.
Ndërkohë, Juventusi edhe pse me Ronaldon në formacion është mposhtur në Zvicër nga Young Boys. Golin e vetëm për italianët e shënoi në pjesën e dytë Dybala. Pavarësisht humbjes, Juventusi e mbylli këtë fazë të Champions në vendin e parë, ndërsa në vendin e dytë u rendit Manchester United, i cili u mund 2-1 nga Valencia në ndeshjen e së mërkurës.
Një ndeshje e çmendur mund të cilësohet ajo mes Ajax-it dhe Bayern Munchen, e cila u mbyll me rezultatin 3-3, ndërsa dy skuadrat e përfunduan takimin me nga një lojtar më pak, pas dy kartonëve të kuq.
Në këtë grup, Bayern u rendit i pari, ndërsa Ajax-i është skuadra e dytë e kualifikuar.