Zbulohet varri 4400 vjeçar i priftit në Egjipt

Arkeologët në Egjipt kanë zbuluar varrin e një prifti të lashtë egjiptian që ishte i paprekur për 4400 vite në Saqqara. Varri në gjendje të mirë, i gjetur në kompleksin e piramidës Saqqara në afërsi të Kairos, është i mbushur me hieroglifë shumëngjyrëshe dhe faraonë të gdhendur në mure.

Skena dekorative tregon të zotin, një prift mbretëror i quajtur Wahtye, me të ëmën, bashkëshorten dhe të afërm të tjerë gjatë Dinastisë së Pestë të Mbretërisë së Vjetër.

“Teksti përshkruan jetën e përditshme të statujave dhe biografinë e pronarit të varrit. Ne gjithashtu shikojmë një koncert me fyell dhe një të arratisur. Gdhendjet tregojnë të gjitha karakteristikat e vjetra të kohëve të lashta, veçanërisht ato të Dinastisë së Pestë”, shprehet Mustafa Waziri, sekretar i përgjithshëm i Këshillit Suprem për Antikitetin.

Shkrimet nëmure pasqyrojnë zakonet, traditat dhe industritë e asaj kohe. Në njërën anë ekzistojnë 24 statuja të mëdha të gdhendura për pronarin e varrit dhe familjen e tij.

“Fakti më i rëndësishëm i varrit është skena e sakrificës. Ne nuk mund të besonim madhësinë e statujës së pronarit të varrit dhe nuk kemi bërë zbulime të tilla për shumë kohë”, tha Mohammed Al-Saidi, drejtor i zyrës shkencore i Këshillit Suprem për Antikitetin.

Arkeologët do të gërmojnë varrin në muajt e ardhshëm dhe pritet të bëhen zbulime të tjera, përfshirë sakrofagun e priftit të lashtë.

Shkarkoni aplikacionin e A2 CNN