Shqipëria mori kryesimin e kartës SHBA-Adriatik për vitin 2019. Në Ministerialin e zhvilluar në Mal të Zi, ministri i Jashtëm, Ditmir Bushati tha se prania e Shteteve të Bashkuara është e pazëvendësueshme në rajon.
“Gjatë vitit në vijim ne do të punojmë së bashku me Shtetet e Bashkuara të Amerikës për të vijuar angazhimin e tyre në çështjet e sigurisë në rajonin tonë sepse prania e tyre është e pazëvendësueshme. Do të kontribuojmë dhe do të punojmë me aleatët në mënyrë që të lehtësojmë procesin e aderimit të Kosovës në këtë nisëm dhe po kështu do të vijojë bashkëpunimi me NATO-n për këtë nisëm, sidomos për ato vende të cilat kanë një raport tanimë të institucioanlizuar, por nuk janë vende anëtare të organizatës”, tha Bushati.