Ekspertët e ekonomisë i shohin me shqetësim shifrat e INSTAT për largimin e shqiptarëve. I ftuar në A2 Business të Aurora Sulçes, Kastriot Sulka argumenton se largimet po bëhen të ndjeshme për shkak se të rinjtë nuk gjejnë veten në tregun e punës, teksa edhe vende të tjera si Gjermania po bëjnë thirrje për punësime.
Eksperti i ekonomisë Kastriot Sulka deklaron se qeveria duhet të ndryshojë qëndrim lidhur me largimin e shqiptarëve. Kjo pasi efektet negative në ekonomi do të ndihen te tregu i punës, skema e pensioneve dhe plakja e popullsisë.