Autoritetet indoneziane kanë përditësuar numrin e të vdekurve si pasojë e cunamit që ka përfshirë zonën e Sumatrës dhe Javës të shtunën e kaluar.
Sipas burimeve zyrtare, të vdekurit kanë arritur shifrën e 429, por bilanci mbetet ende i përkohshëm duke parë që rreth 130 veta nuk i përgjigjen thirrjeve dhe janë deklaruar të zhdukur. Të plagosurit deri metani janë më shumë se 1400, disa prej tyre në gjendje të rëndë.
Të shtunën dallgë gjigande u përplasën në qytezat bregdetare të Sumatrës dhe Javas duke vrarë të paktën 320 vetë e duke plagosur mbi 1 mijë të tjerë.
Mendohet se aktiviteti i vullkanit Anak Krakatau shkaktoi rrëshqitje nënujore dheu, çka solli më pas dallgët shkatërruese.