Demokratët kanë zgjedhur Këshillin Kombëtar, por për shkak të serisë së protestave që kanë gjetur mbështetjen e opozitës, ende nuk janë votuar kryesia dhe Sektretariati i Partisë.
Gazetarja e A2, Klementina Cenkollari raporton se PD në mesin e muajit janar pritet të thërrasë Këshillin Kombëtar për të zgjedhur kryesinë e re, me të cilën Basha do të kërkojë fitoren në zgjedhjet e vitit të ardhshëm.
Burime brenda PD për A2 thonë se nga 60 që është numri aktual në kryesinë e PD të ketë një reduktim në 25, nga të cilët 15 do të jenë me garë.