Kryeministri Edi Rama nuk la pa sulmuar edhe opozitën, sipas të cilit i ka krijuar Partisë Socialiste komfortin që të jetë zgjidhja e vetme.
“Mungesa e opozitës na ka mpirë, ka ulur kapacitet tona reaguese”, tha Rama. “Por nuk mund të jetojmë si e keqja më e vogël, nuk mund të jetojmë për zgjedhjet e radhës. Nuk shitëm qëllimet tona dhe nuk tregtuam objektivat në mandatin e parë. Ishim të gatshëm të rrëzonim koalicionin për Reformën në Drejtësi dhe fituam zgjedhjet të vetëm. Sepse njerëzit janë shumë më të mençur se sa duken nga lartësia e politikës”, shtoi ai.
“Partia Socialiste nuk mund të shihet si forcë uzurpatore e pushtetit, kjo do të mbarojë. i kemi thënë fund tranzicionit, siç bëmë me mësuesit. Dhe mësuesit na votuan më shumë, jo sepse u bënë anëtarë të Partisë Socialiste, por sepse shpëtuan nga persekutimi politik. Po kështu kemi bërë me infermierët”, shtoi Kryeministri.