Reshjet e dendura të dëborës shkaktuan vdekjen e 7 personave në Alpet evropiane gjatë kësaj fundjave.
Ndërsa skiatorët u përballën me rrezik të lartë ortekësh në Austri, Gjermani dhe Itali, ekipet e shpëtimit po kërkojnë për disa persona që janë shpallur të zhdukur në pjesë të ndryshme të Alpeve.
Turistët janë paralajmëruar që të shmangin përdorimin e pistave për ski. Alarmi për ortekë, bëri që rrugë të ndryshme të zonës së Alpeve evropiane të mbyllen.
I ftohti artik nuk ka prekur vetëm zonat malore të kontinentit evropian, por është shtrirë edhe më gjerë në qytetet kryesore të Austrisë, Gjermanisë dhe Italisë.