Maurizio Arrivabene, drejtori i përgjithshëm i Ferrarit largohet nga detyra pas 5 vitesh pas dështimit për të rikthyer skuderinë italiane tek titulli. Vendin e tij e zë drejtori teknik i kokëkuqes, Mattia Binotto.
Revolucion i kuq për Ferranin në radhët e drejtuesve dy muaj përpara nisjes së sezonit të ri që nis më 19 mars në Melburn të Australisë.
Numri një i kokëkuqes, Maurizio Arrivabene nuk do të jetë më drejtor i përgjithshëm i skuderisë italiane në Formula 1. Presidenti John Elkan ka vendosur që Arrivabene të zëvendësohet nga një bashkëpunëtor i tij i afërt siç është drejtori sportiv i Ferrarit, Mattia Binotto, i cili shihet si njeriu i duhur për të marr drejtimin e skuderisë.
Ndryshimi ishte i pritshëm, duke parë gabimet në menaxhimin e garave të Ferrarit në sezonin që lamë të cilat ndikuan tek titulli kampion. Edhe pse u cilësua si makina më e shpejtë, Ferrari dështojë të ndalë Mercedesin edhe këtë vit.
Arrivabene mori drejtimin e “kokëkuqes” në 2014-ën duke mos përmbushur dot misionin e rikthimit tek titulli kampion gjë për të cilën nga sot do të duhet të mendojë Binotto.
Dyshja e Ferrarit këtë sezon do të formohet nga Sebastian Vettel dhe i riu Charls Leclerc i cili do të zërë vendin e Kimi Raikkonen i transferuar tek Sauber.