Një deklaratë e qartë kundër kandidimit të Gent Cakaj si Ministër i Jashtëm ka ardhur nga ish diplomatët shqiptarë.
Këshilli i Ambasadorëve, i cili ka në krye ish ministrin e Jashtëm Besnik Mustafaj, i ka “tërhequr vëmendjen Kryeministrit Rama ta rivlerësojë kandidaturën e ministrit në fjalë”, i cilësuar si “pa cilësitë e nevojshme profesionale për të mbajtur barrën” e sfidave si marrëveshja për kufirin detar me Greqinë, posti si anëtarë i përkohshëm në Këshillin e Sigurimit të OKB-së dhe presidenca e OSBE-së në vitin 2020.
Sipas tyre kontestimi i opinionit publik ndaj kandidatit Cakaj kanë qenë "më të mëdhatë në 29 vjet demokraci".
Ndërkohë, Këshilli mendon që “Kryeministri nuk ka kryer detyrimin e tij kushtetues për të bërë transparencën mbi arsyet që e kanë shtyrë atë të shkarkojë posaçërisht ministrin për Europën dhe Punët e Jashtme, Ditmir Bushati”.