Lideri i opozitës Laburiste në Britani, Jeremy Corbyn po shfrytëzon këtë moment të vështirë të qeverisë për të kërkuar zgjedhje të parakohshme.
Ai thekson se nëse ekzekutivi i Theresa May nuk mund të aprovojë legjislacionet kryesore, atëherë ka humbur mandatin dhe duhet të kërkojë një të ri.
“Nëse qeveria nuk mund të kalojë legjislacionin e saj më të rëndësishëm atëherë duhet të kemi zgjedhje të përgjithshme sa më parë që te jetë e mundur. Një qeveri që nuk mundtë aprovojë punën e saj përmes Dhomës së Përfaqësuesve nuk është një qeveri funksionale. Ajo ka humbur mandatin e saj, kështu që duhet t’i drejtohet vendit për të kërkuar një tjetër”, tha Corbyn.