Surpriza në Kupën e Mbretit në Spanjë, ku u konfirmua kriza e skuadrave madrilene. Atletiko barazoi 3-3 në shtëpi përballë Girona-s, rezultat që e eliminoi ekipin e Diego Simeones nga turneu.
Ndeshja e parë kishte përfunduar në barazim 1-1 dhe Girona kualifikohet në çerekfinale falë golave në fushën kundërshtare.
Zhgënjeu edhe Reali i Madridit, që u mposht 1-0 në fushën e Leganes. Humbja gjithsesi nuk ndikoi në ecurinë e “Los Blankos”, të cilët u kualifikuan pas fitores 3-0 në takimin e parë.
Humbje 1-0 në shtëpi për Sevilla-n, por edhe andaluzët vazhdojnë më tej.