Princi Philipp, bashkëshorti i Mbretëreshës Elizabeth II, është përfshirë në një aksident me makinë, konfirmoi Buckingham Palace.
97-vjeçari nuk është dëmtuar në incidentin e ndodhur pranë rezidencës së Mbretëreshës në Norfolk, por mësohet se ai ishte vetë në timonin e makinës tip Range Rover dhe po dilte nga rruga kryesore kur u përplas me një mjet tjetër.
Sipas dëshmitarëve, makina e Dukës së Edinburgut u përmbys pas përplasjes. Persona që gjendeshin aty pranë ndihmuan Princin Philipp të dilte nga makina, dhe thanë se ishte i tronditur, por i vetëdijshëm.