Meksikë, çahet tubacioni i karburantit, mblidhen për të mbushur bidonët: 21 të vdekur

Pakujdesia dhe varfëria kanë shkaktuar dje pasdite një tragjedi në Meksikë, më pak se 100 kilometra nga kryeqyteti Mexico City.

Një tub që furnizonte me karburant stacionet e benzinës të zonës pësoi një defekt në  qytetin e Tlahuelilpan, duke patur derdhje benzine në rrugë.

 Siç tregojnë edhe shumë video të postuara në rrjetet sociale, sapo u përhap lajmi me dhjetëra persona rrethuan zonën dhe të pajisur me bidonë tentuan të merrnin sa më shumë karburant të mundshëm për mjetet e tyre.

Video e postuar që pasqyron momentet para tragjedisë

Veprimi i pakujdesshëm u shndërrua në tragjedi kur karburanti mori flakë, duke gjeneruar një shpërthim shumë të fortë, i dëgjuar me kilometra distancë.

Sipas autoriteteve meksikane, janë të paktën 21 viktimat, po me dhjetëra po kurohen në spitalet e zonës me djege të mëdha në çdo pjesë të trupit.  

Aksidenti tragjik futet në kuadro të një lufte të ekzekutivit kundër vjedhjes së karburantit në vend. Shpesh herë tubat e furnizimit sabotohen nga popullsia lokale, me humbje të përllogaritura në 3 miliardë dollarë në vit, sa që presidenti meksikan Andres Obrador kishte mbyllur disa nga këto tubacione në zonat më problematike.

Mbyllja ka shkaktuar probleme të mëdha në Meksikë për furnizimin me karburant. Mbahen radhë të gjata, ku shpesh pjesëtarët e familjes ndërrojnë turnin për mos tëhumbur vendin.

Shkarkoni aplikacionin e A2 CNN