Në atë që shihet si një sfidë ndaj presidentit amerikan Donald Trump, Dhoma e Përfaqësuesve miratoi një ligj në mbështetje të NATO-s.
Ligji që siguroi përkrahje dypartiake, 357 vota pro dhe 22 kundër, pohon se është politikë e shteteve të bashkuara të mbeten pjesë e aleancës.
Gjithashtu, ai ndalon përdorimin e fondeve për t’u tërhequr nga NATO. Sipas analistëve, votimi i përcjell një mesazh të fuqishëm presidentit Trump.
Prej kohësh ai ka qenë një kritik i NATO-s duke konsideruar madje edhe tërheqjen e SHBA nga aleanca veriatlantike. Ligji shpreh gjithashtu mbështetjen për Malin e Zi, si anëtarin më të ri të NATO-s.