Opozita e Bashkuar do të udhëheqë më 16 shkurt protestën qytetare me kërkesë largimin e qeverisë Rama dhe krijimin e një qeverie kalimtare.
Vendimi është marrë një ditë më parë në mbledhjen e kryedemokratit Lulzim Basha me Kryesinë e PD-së.
Protesta do të nisë në orën 11:00, ndërsa do të paraprihet nga protesta të tjera në qytete të ndryshme të Shqipërisë.
Forma e protestës nuk dihet ende, por kryetari Basha në mbledhjen me Kolegjin e Kryetareve kërkoi angazhim të të gjithë strukturave demokrate me qëllim pjesëmarrjen sa më të lartë në protestë.
PD kërkon largimin e Edi Ramës dhe krijimin e një qeverie kalimtare për zgjidhjen e krizës politike ne vend.