Pas transferimit të Rrocës dhe Shkurtajt nga Luftëtari, Kukësi i Safet Gjicit ka arritur akordin edhe me ish-sulmuesin e Kombëtares shqiptare, Valdet Rama.
A2 ka mësuar se palët kanë gjetur gjuhën e përbashkët dhe tashmë pritet nënshkrimi i kontratës. Aktualisht, Rama ishte futbollist i lirë, pasi ka mbyllur kontratën në vitin 2018 me skuadrën kineze të YB Funde.
Valdet Rama ka qenë pjesë e kombëtares shqiptare dhe mbahet mend nga tifozët kuqezi si një lojtar me një teknikë të lartë, si edhe për atë gol të shënuar ndaj Norvegjisë në “Qemal Stafa”.