Arlind Qori, pedagogu i Shkencave Sociale dhe aktivist i Lëvizjes për Universitetin deklaroi sot në mëngjes për emisionin “Dita Jonë” se edhe pse janë të vetëm në grevë, do ta vazhdojnë rezistencën.
“Skenarët e mundshëm janë dy. Bëhet shumë asamble fakultetesh dhe arrimë një fitore të shpejtë për të mirën e universitetit. Në rastin më të keq, asambletë nuk mblidhen, atëherë do të gjejmë mënyra të tjera të vazhdimit të rezistencës. Ajo që është e sigurt është se ne nuk do ta ndalim për asnjë moment rezistencën pasi nuk po luftojmë thjesht për veten. Ne kemi qenë nga momenti i parë me studentët dhe sot edhe ata janë me ne në grevë. E reja tani është se ne e kemi formalizuar mbështetjen tonë me studentët.