Tetë persona humbën jetën si pasojë e zjarrit që përfshiu një godinë në jug perëndim të Parisit.
Të paktën 30 janë të plagosurit, mes të cilëve edhe 3 zjarrfikës. Operacioni i shpëtimit vazhdon në katet e sipërme të pallatit 8-katesh dhe autoritetet paralajmërojnë se bilanci mund të rritet.
Shkaku i zjarrit në distriktin e 16-të të Parisit nuk është konfirmuar, por sipas prokurorit të Parisit mund të jetë i qëllimshëm.
Një grua është vënë në pranga. Flakët u përhapën në dy kate të godinës së viteve 70-të mbrëmjen e së hënës, duke detyruar disa banorë të ngjiteshin në tarracat e pallateve të afërta për t’u shpëtuar flakëve dhe tymit.
Zjarrfikësit flasin për situatë apokaliptike. Godinat e afërta në lagjen pranë kullës “Eiffel” u evakuuan dhe rrugët e afërta u bllokuan.