Kryetari i PD, Lulzim Basha nga Vlora, qarku ku është deputet Kryeministri Rama, ftoi qytetarët të dalin në protestë për të shembur atë që e cilësoi, sistem të kalbur qeverisës dhe që po i mbyll dyert e BE-së, vendit tonë.
“Sistemi nuk funksionon, institucionet nuk funksionojnë. Ky sistem nuk mund të pastrohet më, ky sistem i kalbur duhet përmbysur. Rruga jonë drejt BE do të mbetet e bllokuar. Ne duhet ta çelim derën drejt Europës. Ne mund ta hapim atë derë vetëm duke shembur sistemin e kalbur që po e mban peng këtë vend. Koha për fjalë ka marrë fund, tashmë është koha për bashkim dhe për një vendimmarrje popullore”, tha kreu i PD nga Vlora.