Mjekët: Stop dhunës ndaj nesh, kërkojmë një ambient pune të sigurt

Ngjarja e djeshme në QSUT, ku një person ka goditur me grusht një mjek në spitalin infektiv, ka sjellë reagimin e mjekëve të infektivit të cilët janë mbledhur në protestë.

Në një deklaratë të lexuar përpara mediave, mjekët kërkojnë  “ nga administrata e QSUT dhe Ministria e Shëndetësisë që gjithë personeli të ketë ambiente pune të qeta dhe të sigurta”, ku mjekët nënvizojnë nevojën e pajisjes me “  roje sigurie me kompetenca profesionale që bëjnë të mundur minimizimin e këtyre akteve” si dhe rishikimin e kuadrit ligjor përkatës.

Edhe Ministria e Shëndetësisë ka reaguar sot pas akteve të dhunës së ndodhura dje në ambientet e QSUT-së ndaj një mjeku infeksionist.