Kryetari i Partisë Demokratike Lulzim Basha ka ndërprerë për disa orë turin e takimeve me qytetarët. Gjatë paradites kreu demokrat dhe sekretari i përgjithshëm Gazmend Bardhi zhvilluan takime me aleatët opozitarë.
Përgatitjet për protestën e 16 shkurtit janë në javën e fundit. Deri më tani, demokratët kanë zhvilluar disa protesta në rrethe dhe paralelisht me to Lulzim Basha ka takuar qytetarë, tregtarë, pedagogë etj. Opozita kërkon largimin e Kryeministrit Rama dhe zgjedhje të lira e të ndershme përmes një qeverie tranzitore.