Ish presidenti shqiptar Bujar Nishani foli për A2 mbi ngjarjet e sotme dhe përballjen e tensionuar midis protestuesëve dhe forcave të policisë përballë kryeministrisë.
Sipas Nishanit, dita e sotme ishte “dëshmia që ka nisur një revoltë ndaj kësaj qeverisje dhe modeli, që demonstroi edhe sot urrejtjen ndaj popullit që u godit me lëndë që në fakt janë helmuese”.
Sipas ish presidentit, “reagimi nuk është surprizues”, sepse revolta vjen nga një sjellje fyese dhe varfëruese të një grupi njerëzish me pushtet ndaj qytetareve të tyre.
I bindur që kryeministri Rama “e ka humbur legjitimitetin institucional dhe politik”, Nishani duket i bindur që “ky reagim nuk do të ndalet”.