Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Edhe arbëreshët gëzojnë për Kosovën: Të bashkuar jemi më të fortë

Nga A2 CNN
17 Shkurt 2019, 16:56 | Kosova

Dy komuna italiane me popullsi arbëreshe ishin të pranishëm sot në festimet e 11 vjetorit të pavarësisë së Kosovës në Prishtinë, edhe për të firmosur një binjakëzim me dy komuna kosovare, pikërisht me Fushë Kosovën dhe Lipjanin.

Avni Ahmeti

I intervistuar nga A2, kreu i komunës Lipjan Avni Ahmeti u shpreh se ky kontakt i parë “ishte ndjejë e veçantë, se përveç gëzimit për përvjetorin e pavarësisë po nënshkruajmë një marrëveshje binjakëzimi të dy komunave të Kalabrisë, e njohur nga ne deri më tani më shume nga leximet dhe historisë së arbëreshëve”.

Alberto Tocci

Alberto Tocci, kreu i komunës arbëreshe Civita, ndihet "i nderuar që bashkë me vëllezërit nga Shqipëria dhe Kosova kemi vendosur hapa të mëtejshme për bashkëpunim. Sapo kemi ardhur në Kosovë kemi ndjerë atmosferën e bashkëpunimit si një moment i rëndësishëm për shkëmbimet institucionale kulturore dhe ekonomike".

Dhe përfundon me një fjali kuptimplotë. “Ne mund të bëhemi më të fortë po të jemi të bashkuar”.   

A2 CNN Livestream

Dita jonë