Çmimet Razzie, para Oskarit shpallen filmat më të “dështuar”

Presidenti amerikan Donald Trump dhe filmi komedi mbi “Sherlock Holmes” kryesuan listën e çmimeve Razzie, për filmat më të këqij dhe performancat më të dobëta të 2018-ës. 

“Holmes & Watson” me aktorët Will Ferrell dhe John. C. Reilly ishte “fituesi” më i madh, me 4 trofe, si filmi më i keq i Holliwood-it gjatë vitit të shkuar.

Reilly fitoi çmimin edhe si aktori më i keq për rolin e tij, në atë çka vetë themeluesi i çmimeve Razzie John Willson, e cilëson si një parodi të pavlerë.  

John Travolta si mafiozi John Gotti

Filmi dokumentar “Death of a nation” me Trump si protagonist real, u vlerësua si një nga prodhimet më të dobëta të 2018-ës.

E habitshme por e vërtetë: komediania Melissa McCarthy u votua si aktorja më e keqe protagoniste, për rolin e saj në komedinë me kukulla “The Happy time Murders”.

Protagonistët e filmit “Holmes & Watson”

Filmi “Gotti”, dedikuar jetës së bosit të mafias në Nju Jork, John Gotti, nuk shpëtoi pa një trofe, pas 6 nominimeve, përfshirë këtu regjinë më e keqe, aktori më i keq dhe skenari më i keq i mundur, me aktorë kryesorë  John Travolta dhe bashkëshorten e tij Kelly Preston.

Çmimet Razzie janë krijuar në vitin 1980 dhe shërben si antidote i çmimeve Oskar. Fituesit, në mënyrë ironike, shpallen gjithnjë një natë përpara ceremonisë Oskar. Nominimet dhe fituesit më pas të çmimeve Razzie votohen online, nga 1 mijë anëtarë të Razzie, nga 24 vende të ndryshme të botës, ku një kartë anëtarësimi kushton 40 dollarë.