Deklarata e Kryeministrit Edi Rama pak ditë më parë, se Kosova është pjesë e Shqipërisë, nuk e ka lënë indiferente Moskën.
Ministria e Jashtme ruse e cilësoi këtë një retorikë absolutisht të papranueshme. “Kryeministri shqiptar tha gjithashtu se bashkimi i Kosovës me Shqipërinë nuk është një plan B, por A”, tha zëdhënësja e ministrisë, Maria Zakharova.
“Ne e konsiderojmë retorikën si absolutisht të papranueshme dhe besojmë se ajo çon në shkeljen e integritetit territorial të Serbisë dhe statusit të rajonit autonom të Kosovës”, vijon më tej Zakharova.
Ajo e mbyll deklaratën duke thënë se NATO dhe BE duhet t’i përgjigjen në mënyrën e duhur këtyre planeve gjeopolitike.