Presidenti amerikan, Donald Trump, ishte në dijeni të e-maileve të hakuara nga server i Partisë Demokrate, përpara se skandali të bëhej publik.
Akuza ka ardhur nga ish avokati i tij, Michael Cohen, i cili dëshmoi në Kongres. Ky i fundit shtoi më tej se Trump drejtoi planet për ndërtimin e një hoteli në Moskë edhe gjatë fushatës presidenciale.
Në deklaratën hapëse, Cohen e cilësoi Trump-in racist dhe mashtrues. Ndërkohë, nuk ka munguar dhe reagimi i presidentit amerikan, edhe pse është i angazhuar në takimin me liderin e Koresë së Veriut Kim Jong Un.
Nga Vietnami, Trump pretendon se Kohen po mashtron Kongresin në mënyrë që të reduktojë dënimin me burg.