Pavarësisht situatës politike në vend, mes personave të ftuar ditën e nesërme në Samitin e Diasporës, është edhe emri i Lulzim Bashës, por lideri i opozitës e ka refuzuar këtë ftesë.
Me anë të një postimi në “Facebook”, Basha e quan këtë samit si fasadë.
“Ne i kemi një borxh të madh diasporës, ndaj nuk mund të pranoj kurrë përdorimin e saj si fasadë nga njeriu që mbushi kampet e azilkërkuesve me 300 mijë shqiptarë duke i përzënë nga shtëpitë e tyre, ja nxiu faqen Shqipërisë me kanabisin dhe ja dorëzoi vendin oligarkëve dhe krimit”, shkruan Lulzim Basha Në “Facebook”.