“Tuzi na dha mësim. Të bashkuar u shërbejmë shqiptarëve”

Tuzi shpërtheu në festë mbrëmjen e së dielës, pasi zgjedhjet vendore rezultuan me fitoren e koalicionit shqiptar, ‘Malësia na Bashkon’.

Tashmë Tuzi do të drejtohet nga Nikë Gjeloshaj, i cili ishte kandidati i përbashkët i koalicionit të tre partive: Alternativa Shqiptare, Lidhja Demokratike Shqiptare dhe Unioni Demokratik Shqiptar.

Për këtë fitore të madhe dhe historike në Tuz të shqiptarëve të bashkuar ka reaguar edhe ministri i Jashtëm në detyrë Gent Cakaj, i cili me anë të postimi në Twitter shkruan se Tuzi na dha një mësim të vlefshëm përtej logove dhe bindjeve politike.

“Vetëm të bashkuar mund t’i shërbejmë interesave të shqiptarëve. Urimet më të përzemërta koalicionit “Forumi shqiptar” për rezultatin historik”, shkruan Cakaj në Twitter.

Shkarkoni aplikacionin e A2 CNN