Vdes vokalisti i grupit Prodigy

Është ndarë nga jeta në moshën 49 vjeçare këngëtari i grupit të famshëm rok-alternativë Prodigy, Keith Flint

Ai u gjet i vdekur mëngjesin e të hënës në shtëpinë e tij në Dunmoë, Essex. Përveç ambulancës, në shtëpinë e tij ishte e pranishme edhe Policia, por vdekje nuk po trajtohet si një rast i dyshimtë, pavarësisht se shkaqet nuk janë bërë të ditura ende.

Prodigy ishte një grup i famshëm në fillim të viteve 1990 ku edhe u bë një prej më të mëdhenjve në Mbretërinë e Bashkuar. Këngët e tyre “Firestarter” dhe “Breathe” zunë vendin e parë në renditjen e hiteve në vitin 1996 në Britani. Vetë Flint, vokalist i grupit, u bë një figurë ikonë e skenës muzikore britanike me performancat e tij energjike, glokët me ngjyra të ndryshme dhe tatuazhet e shumtë.

I lindur në Londrën lindore, ai u transferua në Brantree Essex që fëmijë dhe u njoh me bashkëthemeluesin e Prodigy, Liam Hoëlett në një klub nate. Fillimisht ai ishte vetëm kërcimtar në grup, por pasi këndoi Firestarter karriera e tij mori drejtim tjetër.