Kriza politike në Shqipëri nuk po gjen zgjidhje brenda vetes. Edhe pas delegacionit me 8 eurodeputetë, asnjë sinjal për tërheqje nga qëndrimet e asnjërës palë. Ndërkaq, një tjetër i ngarkuar me punë në Komisionin Europian, do të mbërrijë sonte në Tiranë, për të nisur agjendën zyrtare të takimeve nesër paradite. Drejtori i Përgjithshëm për Fqinjësinë dhe Negociatat e Zgjerimit pranë Komisionit Europian, Christian Danielsson.
Nga ana tjetër, në zyrën e Kryetarit të Partisë Demokratike, Lulzim Basha, mbërriti për një takim, e ngarkuara me punë në Ambasadën Amerikane, Leyla Moses-Ones.
Të gjithë aktorët ndërkombëtarë, si nga BE dhe SHBA, kanë dënuar veprimin e opozitës për të hequr dorë nga mandatet.