Avioni i rrëzuar në Etiopi, gjendet kutia e zezë me regjistrimet audio

s 600x338

Hetuesit në Etiopi kanë gjetur kutinë e zezë që përmban regjistrimet audio brenda kabinës së pilotit dhe të dhëna të tjera për avionin që u rrëzua të dielën.

Pajisja do të ndihmojë hetuesit të zbardhin shkaqet e ngjarjes tragjike, nga e cila humbën jetën 157 persona.

Avioni i kompanisë amerikane “Boeing” po fluturonte drejt kryeqytetit të Kenias dhe u rrëzua vetëm 6 minuta pas nisjes nga aeroporti Adis Ababa në Etiopi.

Viktima ishin nga 30 kombësi të ndryshme. Përpara rrëzimit, piloti i avionit kishte raportuar për vështirësi në fluturim dhe kërkoi të rikthehej në aeroport.

Ndërkaq, kompania ajrore që menaxhonte mjetin fluturues tha se kishte kryer kontrolle të rrepta mirëmbajtjeje përpara udhëtimit.