Propozimi i Ramës: 3 vjet burg për ata që shkelin në fushë

Kryeministri Edi Rama ishte i pranishëm në një diskutim me aktorët kryesore të futbollit në vend, ku po diskutohet për sigurinë në stadiumet e futbollit. Drejtuesit e Federatës dhe presidentët e klubeve kërkojnë rikthimin e policisë në stadiume, duke marrë shkas nga ngjarjet në ndeshjen Kamza-Laçi ku u godit arbitri kryesor.

“Do të ndërhyjmë në ligj, 3 vjet burg për ata që shkelin në stadium”, tha Rama. “Do të hiqet interpretimi i ligjit “nga gjobë deri në 3 vjet burg, do të bëhet direkt 3 vjet burg dhe përjashtim përjetë nga stadiumi”.

“Ky do të jetë hapi i parë me parlamentin, duke ndryshuar kodin penal. Megjithatë, duhet të ndërtojmë struktura të dedikuara të Policisë, si në Spanjë dhe Gjermani, që të jenë të pranishme në stadiume”, shtoi Rama. “Çështja e dhunës të mbyllet sa më shpejt, e gjithë paketa në tërësi brenda 100 ditëve”.

Shkarkoni aplikacionin e A2