Opozita e re në Kuvend ka votuar pro ligjeve të qeverisë “Rama”. 6 nga 11 deputetë ngritën kartonët jeshilë për ligjet e rendit të ditës.
Deputetët Ylli Shehu dhe Alban Zeneli votuan të dy kundër ligjit për nxitjen e punësimit. Në miratimin e ligjeve për sigurinë e digave dhe emërimin e një anëtari të Këshillit Drejtues të Autoritetit të Komunikimeve Elektronike dhe Postare, deputeti i LSI, Ylli Shehu votoi kundër, ndërsa deputeti i PD Alban Zeneli nuk mori fare pjesë në votim.
Të vetmin projektligj që e votuan të gjithë pa përjashtim ishte nisma që synon të përmirësojë kushtet e konvikteve.
Edlira Hyseni, Lefter Koka i LSI dhe Ligoraq Karamelo i PD nuk ishin të pranishëm gjatë votimit.