Kombet e Bashkuara vendosën familjet rome dhe pakicat e tjera etnike në kampe toksike në Kosovë dhe më pas nuk i kompensuan ato.
Skandali është zbuluar së fundmi nga një ekspert i të drejtave të njeriut në OKB. Baskut Tunçak është shprehur se rreth 600 persona u vendosën në kampe të vendosur në sipërfaqe të kontaminuar brenda viteve 1999 dhe 2013 dhe përafërsisht gjysma e tyre ishin fëmijë nën 14 vjeç.
Që në fillim të viteve 1970, zona ishte e njohur të kishte ndotje të plumbit dhe sipas një hetimi të Tunçak, kjo ka sjellë vdekjen e disa fëmijëve, por edhe personave të rritur.
Pas një takimi me viktimat dhe zyrtarë të OKB-së në Kosovë, eksperti është shprehur se OKB duhet të kërkojë falje publike dhe të kompensojë menjëherë individët e prekur.
Në një deklaratë për shkrim drejtuar “Euronews” OKB reagon: “Sekretari i Përgjithshëm beson se është detyra jonë e përbashkët të mbështesim komunitetet rom, ashkali dhe egjiptian të prekur nga helmimi nga plumbi në Kosovë dhe të sigurohemi që ata të marrin ndihmën që u nevojitet”.