Pas triumfit mëse të merituar ndaj Atletico Madrid në Champions League, Juventusi është dorëzuar në Serie A duke marrë humbjen e parë.
Genoa është skuadra që arriti të thyejë kampionët bardhezi këtë sezon, të cilët nuk kishin dalë asnjëherë të humbur në 27 javët e para të kampionatit.
Pa Ronaldon në fushën e lojës, Juventusi është dorëzuar në Genoa në një humbje 2-0. Një ish si Sturaro realizoi golin e parë në këtë ndeshje në minutën e 72, ndërsa 9 minuta më vonë ishte maqedonasi Pandev që e vulosi rezultatin në 2-0.
Pavarësisht kësaj humbje, Juventusi qëndron i qetë në krye të renditjes, me një diferencë të konsiderueshme prej 18 pikësh nga Napoli i vendit të dytë.