Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Raporti për lumturinë, Shqipëria e fundit në rajon

Nga A2 CNN
20 Mars 2019, 14:40 | Lifestyle
Raporti për lumturinë, Shqipëria e fundit në rajon

Shqipëria rezulton si vendi më pak i lumtur në rajon, në raportin e ri për lumturinë në botë të publikuar nga rrjeti për Zgjidhje të Qëndrueshme Zhvillimore për OKB-në.

Raporti është një studim historik i gjendjes së lumturisë ne 156 vende, i cili merr në shqyrtim 6 faktorë kyç për mirëqenien; të ardhurat, lirinë, besimin, pritshmwrinë për jetë të shwndetshme, suportin social dhe bujarinë.

Fokusi këtë vit ishte gjithashtu te ndikimi i teknologjisë, normave shoqërore, konflikteve dhe politikave qeveritare.

Kosova kryeson mes vendeve të rajonit, duke u pozicionuar e 46-ta, e ndjekur nga Serbia, Mali i Zi, Kroacia, Bosnje Hercegovina, Maqedonia dhe në fund Shqipëria.

Për të dytin vit radhazi Finlanda, atdheu i Santa Klaus, kurorëzohet si vendi më i lumtur në botë. Sipas raportit, të lumtur janë jo vetëm finlandezët, por edhe emigrantët që jetojnë atje. Ata gëzojnë mbështetje të fortë sociale, i besojnë qeverisë dhe jetojnë të lirë.

Pas saj renditen Danimarka, Norvegjia, Islanda e Holanda. Ndërkaq vendet më të palumtura rezultojnë Sudani Jugor, Republika e Afrikës Qendrore dhe Afganistani.

Raporti publikohet me rastin e Ditës Ndërkombëtare të Lumturisë shënohet më 20 mars.

A2 CNN Livestream

Debat - nga Alba Alishani