Veliaj kërkon mandatin e dytë: Bashkë me Ramën Kryeministër, më të fortë se kurrë

Erion Veliaj i quajti të dëshpëruara pretendimet se ai dhe Edi Rama nuk kanë një marrëdhënie të mirë, duke thënë se ato ishin zëra të përhapura nga opozita për përfitime politike.

“Pati shumë nga kundërshtarët tanë që përpara se të kryenin vetëvrasjen filluan të bënin diversion, thoshin Erioni dhe Edi nuk flasin. Dëshpërimi duhet të jetë aq i madh, sa që e vetmja shpresë që ata të kenë ndonjë shans, është që zihemi ne”, tha Veliaj gjatë fjalimit të mbajtur në Sheshin “Nënë Tereza” ku prezantoi kandidatët për këshillin bashkiak ndërsa u konfirmua si kandidat i Partisë Socialiste për të drejtuar kryeqytetin.

“Më vjen keq t’ju zhgënjejmë, por unë dhe Edi Rama jemi më bashkë se kurrë, më të fortë se kurrë dhe më të vendosur se kurrë që unë të çoj përpara Tiranën dhe ai të çojë përpara Shqipërinë”, shtoi ai.

Shkarkoni aplikacionin e A2