Aksioni i opozitës, tjetër protestë kombëtare në 13 prill

MBULIM PD DEGET frame 0 1100x620

Më 13 prill Partia Demokratike zhvillon protestën e tretë kombëtare, pas asaj të 16 shkurtit dhe 16 marsit.

Lulzim Basha mblodhi mbrëmë kolegjin me kryetarët e degëve për të përvijuar aksionin në vijim të opozitës. Nuk do të mungojnë edhe protestat e tjera, duke nisur më 28 mars te Parlamenti të enjten e seancës plenare të radhës.

Deri tani janë zhvilluar 2 protesta kombëtare dhe 4 te Parlamenti, ndërsa aksioni për largimin e Kryeministrit Rama, krijimin e një qeverie tranzitore për zgjedhje të lira e të ndershme, do të vijojë. Hapi më i fortë i demokratëve është djegia e mandateve, por rrjedhjet nga listat e PD dhe LSI kanë vijuar duke e çuar zyrtarisht në 96 numrin e deputetëve në Kuvend.

Kryetari i PD, Basha, dhe sekretari i përgjithshëm i PD, Gazment Bardhi

Një ditë më parë, Rama i lëshoi një sfidë opozitës, duke premtuar zgjedhje të parakohshme në vjeshtë, nëse do të fitonin një Bashki më shumë se socialistët në zgjedhjet lokale të 30 qershorit. Ofertën e Kryeministrit për zgjidhjen e krizës e priti me ironi sekretari i përgjithshëm i PD, Gazment Bardhi. “Më lini t’i vjedh edhe zgjedhjet vendore dhe po ti fitojë opozita zgjedhjet që unë do vjedh, shkojmë pastaj në zgjedhje të parakohshme”, shkroi ai në rrjetet sociale.