Jeremy Lamb shënoi një kosh të pabesueshëm nga gjysma e parketit duke i dhënë skuadrës së tij Charlotte Hornets, fitoren kundër Toronto Raptors të dielën në mbrëmje.
Kur kishin mbetur vetëm 3,1 sekonda lojë, Lamb lëshoi topin nga distanca, ndërsa turma pa e magjepsur se si topi përfundoi në kosh. Tri pikët bënë që Charlote të fitonte takimin 115-114, një fitore që mban gjallë shpresat për të zënë vendin e fundit të lirë për playoff në Konferencën e Lindjes.
“Ndihem shkëlqyeshëm”, tha Lamb pas ndeshjes. “Luftuam shumë gjatë gjithë takimit dhe të gjithë kontribuuan për rezultatin. Ndihem mirë që arritëm të fitonim në këtë mënyrë”.