Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 100%
  • Po,dhe s'ishte argëtuese 0%
  • Jo, nuk më ka ndodhur 0%

SHBA rikthehet në hënë, Pence: Mision i ri, brenda 5 viteve

Nga A2 CNN
27 Mars 2019, 11:47 | Teknologji

Ndërsa Shtetet e Bashkuara bëhen gati të shënojnë 50 vjetorin e zbarkimit të njeriut të parë në Hënë, zëvendës presidenti amerikan Mike Pence njoftoi se po planifikojnë të rikthehen në satelitin natyror të tokës brenda 5 viteve të ardhshme.

Gjatë një fjalimi në qendrën hapësinore dhe raketore amerikane në Huntsville të Alabamës, numri dy i Uashingtonit tha se objektivi i mëparshëm për t’u rikthyer në Hënë në 2028 nuk ishte aq ambicioz.

Sipas tij edhe në 1962 kishte nga ata që mendonin se misioni ishte shumë i rrezikshëm dhe i shtrenjtë.

Gjatë misionit Apollo në 1962

”Ka ardhur koha që të bëjmë hapin e madh dhe të kthejmë astronaut në hënë, të ngremë një bazë të përhershme atje dhe të zhvillojmë teknologjitë për t’i çuar amerikanët në Mars e përtej”.

Mike Pence, zv. president i SHBA

Pence ia faturoi sistemit hapësinor të hedhjes, SLS, fajin për mungesën e progresit në rikthimin e amerikanëve në Hënë. Sipas tij ai ishte prekur nga paraliza e analizave dhe inercia burokratike.

 E megjithatë në projektbuxhetin e fundit, administrate Trump propozoi reduktimin e financimeve për sistemin me 15 përqind. Vendosja e një objektivi kaq ambicioz, qe pritet të kushtojë dhjetëra miliarda dollarë, vjen ndërsa Nasa po mbështet kryesisht në ndihmën e partnerëve privatë për misionet hapësinore nga toka amerikane.

 Iniciativa nxjerr në pah dëshirën e Donald Trump për të caktuar një objektiv të ri kombëtar në prag të zgjedhjeve duke u përpjekur njëkohësisht të sfidojë aftësitë e Kinës dhe Rusisë.

A2 CNN Livestream

Ditari nga Denisa Pasholli