Hamdi Salihi, një ndër sulmuesit më të mirë shqiptar të viteve të fundit, ka marrë vendimin të tërhiqet nga futbolli në moshën 35-vjeçare.
Ish-sulmuesi i Kombëtares shqiptare, Vllaznisë, Tiranës, Skënderbeut, e i shumë-shëtitur me skuadra nga 4 kontinente të Botës, e ka dhënë lajmin në profilin e tij të Facebook.
Ai ishte pjesë e skuadrës së SC Wiener Neustadt në Austri dhe ndeshja e tij e fundit do të jetë këtë të shtunë.
Lajmi ka bërë bujë menjëherë edhe në mediat austriake, atje ku Salihi kaloi një pjesë të mirë të karrierës së tij, ku shkëlqeu me skuadrën e Ried.