Lulzim Basha nuk ishte i pranishëm këtë të mërkurë në protestën e opozitës, duke marrë kështu “mungesën” e dytë.
Basha ndodhet në Gjermani, ku njoftohet se do të zhvillojë takime me përfaqësues dhe drejtues të Parlamentit Gjerman, zyrtarë të lartë të Qeverisë Federale, drejtuesit e partive simotra CDU dhe CSU.
Basha është nisur dje drejt Gjermanisë dhe kjo vizitë vjen pas asaj në Bruksel, ku kreu demokrat u takua me kryetaren e CDU, Annegret Kramp-Karrenbauer, presidentin e PPE Joseph Daul dhe eurodeputetë.
Vizita e kreut të PD në Gjermani është e para që pas djegies së mandateve dhe kërkesave të opozitës për krijimin e një qeverie tranzitore dhe zgjedhje të parakohshme parlamentare.